ПРЕДАВАЊА
Во рамки на воннаставната платформа „Нови дијалози“, на 28.11.2017 година на Архитектонскиот факултет во Скопје се одржа второто предавање во склоп на програмата „Практископ“, каде свое излагање имаше архитект Мартин Пановски,еден од основачите на архитектонско биро Радиус архитекти од Скопје. Како најава за говорникот, за професионалниот профил на Пановски пред присутните се обрати д-р Бојан Каранаков, доцент на Архитектонскиот факултет во Скопје.
објавено на: 2017-11-27 08:47:09
објавено на: 2017-11-27 08:43:31
НОВИ ДИЈАЛОЗИ/ ПРОГРАМА: ТАЛЕНТ
ИЗЛАГАЊЕ НА САРА СИМОСКА
Во рамки на воннаставната платформа „Нови дијалози“, на 23.11.2017 година, во склоп на програмата „Талент“ свое излагање имаше магистер архитект Сара Симоска, поранешен студент на Архитектонскиот факултет во Скопје. По комплетирањето на четвртата студиска година на Архитектонскиот факултет Симоска го продолжила своето образование на одделот за архитектура при Политехничкиот универзитет во Милано, каде магистрирала во 2016-та година.
Вонредна сесија 02, Формат: конкурс
модератор: Владо Данаилов
На 21 ноември 2017-та година на скверот во јужното крило на Архитектонскиот факултет во Скопје се одржа втората Вонредна сесија на тема формат: конкурс.
Соговорници беа архитекти од различни генерации: Трајко Димитров, Мартин Пановски и Никола Стрезовски, а се разговараше за неопходноста од спроведување на архитектонски конкурси, како и за начинот на кој истите се распишуваат, работат, оценуваат. Во текот на разговорот се споделуваа личните искуства на соговорниците - како учесници на конкурси и како членови на жири комисии, а беше образложена и позицијата и улогата на Асоцијацијата на архитекти на Македонија во борбата за конституирање на институцијата конкурс. Преку неколку примери за нереализирани проектни трудови за места во главниот град се направи обид за раскажување на приказната за никогаш неизградено Скопје. За време на разговорот, како визуелна поддршка, во позадината на платно беа проектирани селектирани конкурсни трудови работени во периодот помеѓу 60-те и 2000-те години. Кон крајот на разговорот и дел од публиката се вклучи во разговорот со неколку прашања и коментари.
објавено на : 2017-11-23 16:16:49
објавено на: 2017-11-21 09:52:02
НОВИ ДИЈАЛОЗИ/ ПРОГРАМА: ПРАКТИСКОП
ИЗЛАГАЊЕ НА БЕСИАН МЕХМЕТИ / БМА
Во рамки на воннаставната платформа „Нови дијалози“, на 16.11.2017 година со почеток во 18 часот на Архитектонскиот факултет во Скопје се одржа првото предавање во склоп на програмата „Практископ“; свое излагање имаше архитект Бесиан Мехмети,основач и сопственик на архитектонско биро – БМА, поранешен студент и соработник во наставата на Архитектонскиот факултет во Скопје.
објавено на: 2017-11-19 08:46:00
објавено на: 2017-11-13 09:10:16
ВТОРО ПРЕДАВАЊЕ НА МАРИАНЕ ШУЛХАУГ И ЛУИС КАЛЈЕХАС
Во организација на Музејот на современата уметност и Архитектонскиот факултет во Скопје на 11.11.2017 година со почеток во 20 часот во Музејот на современата уметност се одржа предавањето на проф. Мариане Шулхауг (Mariane Skjulhaug), раководител на катедрата за урбанизам и пејзажна архитектура при државната школа за архитектура и дизајн од Осло, Норвешка (АHO – The Oslo School of Architecture and Design), а веднаш потоа и предавањето на Луис Калјехас (Luis Callejas), вонреден професор на истата школа.
објавено на: 2017-11-11 16:11:00
НОВИ ДИЈАЛОЗИ/ ПРОГРАМА: 360
ПРЕДАВАЊЕ НА МАРИАНЕ ШУЛХАУГ И ЛУИС КАЛЈЕХАС
На 10.11.2017 година со почеток во 18.30 часот, во рамки на програмата „360“ се одржа третото од серијата предавања на странски професори и експерти планирани да се одржат во зимскиот семестар од учебната 2017/18 година.
објавено на : 2017-11-10 20:25:37
Почитувани,
Ве известуваме дека денес, на 09.11.2017 година, неколку минути по 9 часот наутро, во објектот на Архитектонскиот и Градежниот факултет при Универзитетот „Св. Кирил и Методиј“ во Скопје, во работни простории за наставници - избувна пожар.
Благодарение на брзата, присебна и навремена реакција на нашите вработени: Симе Бужаровски, Бојан Каранаков, Тана Кулеван, Наде Велковска, Наташа Јовановска, како и на други вработени од Архитектонскиот и од Градежниот факултет, сите студенти и наставници кои во моментот се наоѓаа во објектот беа безбедно евакуирани, а истовремено беше започнато и со примарна локализација на пожарот. Кратко по пријавувањето на настанот во Противпожарната бригада на Град Скопје, на опожарениот простор беше интервенирано со 12 противпожарни возила и 26 пожарникари, по што за кратко време пожарот беше локализиран. Во оваа прилика сакаме да им изразиме исклучителна благодарност на членовите на Противпожарната бригада на Град Скопје за покажаното знаење, пожртвуваност и висок професионализам.
објавено на : 2017-11-08 08:49:59
oбјавено на : 2017-11-05 08:52:38
НОВИ ДИЈАЛОЗИ/ ПРОГРАМА: ТАЛЕНТ
ИЗЛАГАЊЕ НА НИКОЛА ЃОРЃИЕВСКИ
На 31.10.2017 година, со почеток во 18 часот, на Архитектонскиот факултет во Скопје се одржа вториот од серијата планирани излагања во рамки на воннаставната платформа „Нови дијалози“.
Во рамки на програмата „Талент“, свое излагање имаше Никола Ѓорѓиевски,поранешен студент на Архитектонскиот факултет во Скопје, кој по комплетирањето на вториот циклус постдипломски студии на Архитектонскиот факултет во Скопје своето образование го продолжува на нови магистерски студии во Осло, Норвешка, при државната архитектонска школа „АHO – The Oslo School of Architecture and Design” насока “Landscape Urbanism”. Дел од своите студии тој ги поминува во Глазгов, Шкотска, при школата за aрхитектура „The Mackintosh School of Architecture” (MSA), во склоп на школата за уметности „The Glasgow School of Art” (GSA).
oбјавено на : 2017-10-31 14:27:50
НОВИ ДИЈАЛОЗИ/ ПРОГРАМА: 360
ПРЕДАВАЊЕ НА ДАВИД СТОЛЕРУ
На 30.10.2017 година со почеток во 20 часот во амфитеатарот на Архитектонскиот факултет во Скопје, во рамки на програмата „360“ се одржа второто од серијата предавања на странски професори и експерти, планирани да се одржат во зимскиот семестар од учебната 2017/18 година. Пред присутните наставници и студенти на Архитектонскиот факултет во Скопје свое излагање имаше архитект Давид Столеру (David Stoleru), французин, кој живее и работи во Барселона, од каде го раководи проектот,,Беит” (The Beit Project).
објавено на : 2017-10-31 12:31:50
објавено на: 2017-10-29 08:20:13
НОВИ ДИЈАЛОЗИ/ ПРОГРАМА: 360
ПРЕДАВАЊЕ НА ГУНАР ХАРТМАН И ХАРУН БАДАКШИ
На 26.10.2017 година со почеток во 20.30 часот во амфитеатарот на Архитектонскиот факултет во Скопје, во рамки на програмата „360“ се одржа првото од серијата предавања на странски професори и експерти, планирани да се одржат во зимскиот семестар од учебната 2017/18 година.
објавено на 2017-10-29 08:06:00
Објавено на: 2017-10-23 11:31:37
НОВИ ДИЈАЛОЗИ/ ВОНРЕДНИ СЕСИИ
Вонредна сесија 01, Формат: списание
модератори: Владо Данаилов и Мила Димитровска
На 24 октомври 2017 на скверот во јужното крило на Архитектонски факултет – Скопје се одржа првата Вонредна сесија на тема формат: списание.
Сесијата беше замилсена како ретроспектива на списанијата за архитектура издавани во Македонија (Информатор, А:, Аршин и Дома) и течеше во форма на модериран разговор со дел од уредниците: професорите Мартин Гулески, Минас Бакалчев, Митко Хаџи-Пуља, Јасмина Силјаноска и Влатко П. Коробар.
За време на разговорот бројната публика имаше ретка прилика да види дел од содржините на овие печатени изданија од 70тите-80-тите и 90-тите години, што беа проектирани на платно.
Соговорниците, длабоко емотивно врзани со материјалот што беше тема на разговор, со голема страст ги споделија сеќавањата за предизвиците поврзани со процесот на создавање на списанијата. Во текот на исцрпниот двочасовен разговор беа доловени аспектите на општествениот контекст во кој се пишувало, потребата од пишување (за) архитектура, техничките аспекти на издавање и публикување итн
објавено на: 2017-10-20 15:10:08
