АРХИТЕКТОНСКИ ФАКУЛТЕТ СКОПЈЕ
УНИВЕРЗИТЕТ „СВ. КИРИЛ И МЕТОДИЈ“ ВО СКОПЈЕ
Почитувани колеги,
Се известуваат сите студенти на Архитектонски факултет, Универзитет „Св. Кирил и Методиј“ во Скопје дека согласно заклучоците на Комисијата за заразни болести на Министерството за здравство на РСМ бр. 09-982/2020 од 10.03.2020 година, на високо образовните институции, вклучително и на Архитектонски факултет, се запираат сите наставно-воспитни процеси во тек на наредните 14 дена, a почнувајќи од 11.03.2020 година. Во текот на овој период студентите не треба да доаѓаат на настава, ниту да престојуваат во просториите на факултетот.
01/10 
Фотографии од доделувањето на пофалниците и наградите на студентите кои покажале особен успех во работата на архитектонските студија во текот на зимскиот семестар од учебната 2019/2020 година. Проектите ги оценуваше комисија во состав: проф. Влатко П. Коробар, проф. Мартин Гулески и архитект Никола Томевски. Фотографиите се на Мила Гавриловска.
01/10
Отворање на Изложба на студентски архитектонско урбанистичи решенија за основно училиште, спортско рекреативен центар и детска градинка во ДУП312 „УЧИЛИШТЕ ВО ПАРК“
Место: КСП - Центар - Јадро; ул. „Алберт Ајнштајн“ бр.2
Датум: 25. 02. 2020
Време: 19:00 часот
01/40
Фотографии од отворањето на Изложбата на архитектонски студија - ИАС 15, одржано на 13.02.2020 година. Фотографиите се на Мила Гавриловска.
01/22
Фотографии од новогодишната прослава на Архитектонскиот факултет во Скопје, одржана на 30.12.2019 година. Фотографиите се на Мила Гавриловска.
01/16
Фотографии од излагањето на ЕАСА Македонија, кои во рамки на програмата „Талент“ од воннаставната платформа „Нови дијалози“ имаа свое излагање на Скверот на Архитектонскиот факултет во среда, 18.12.2019 година. Фотографиите се на Мила Гавриловска.
Ве покануваме на промоција на публикацијата „Архитектурата на новата музеологија: од музеј-зграда до музеј-територија“, приредена од доц. д-р Мери Батакоја. Книгата претставува збирка од илустрирани осврти на девет магистерски трудови, работени во текот на 2016/2017 и 2017/2018 година, со предговор и поимник како вовед во темата.
Промоцијата е замислена како разговор за музеите со проф. д-р Анета Христова - Поповска од Архитектонски факултет, УКИМ - Скопје и проф. д-р Никос Чаусидис од Филозофски факултет, УКИМ - Скопје, во стаклената училница “GLASSROOM” на Архитектонскиот факултет, Универзитет „Св. Кирил и Методиј“ во Скопје , на 26.12.2019 (четврток), во 13 часот.
Промоцијата ќе ја отвори Деканот на Архитектонски факултет, проф. д-р Огнен Марина.
Излагање на коилешките и колегите од ЕАСА Македонија, кои во рамки на програмата „Талент“ од воннаставната платформа „Нови дијалози“ ќе имаат свое излагање на Скверот на Архитектонскиот факултет во среда, 18.12.2019 година, со почеток во 19.00 часот.
01/15
Фотографиите се на Мила Гавриловска.
1/8
Фотографии од проекцијата на филмот „Духот на Баухаус“, кој во рамки на програмата „Филм“ од воннаставната платформа „Нови дијалози“, а во соработка со Германската амбасада во Скопје и Музејот на современата уметност, беше прикажан во кино салата на Музејот на 6.11.2019 година. Фотографиите се на Мила Гавриловска.
01/15
Фотографии од отворањето на изложбата „bau1haus“ на берлинскиот фотограф Жан Молитор, поставена во Музејот на соверемената уметност во Скопје. Изложбата е реализирана во соработка помеѓу Амбасадата на Германија, Архитектонскиот факултет во Скопје и Музејот на современата уметност - Скопје и е по повод стогодишнината на познатата и исклучително влијателна школа - Баухаус. Фотографиите се на Мила Гавриловска.
Повеќе: „Бау1хаус“ (bau1haus) на берлинскиот фотограф Жан Молитор
Проекцијата на филмот „Духот на Баухаус“, кој во рамки на програмата „Филм“ од воннаставната платформа „Нови дијалози“ и во соработка со Германската амбасада во Скопје и Музејот на современата уметност, ќе биде прикажан во салата за проекции на Музејот во среда, 6.11.2019 година, со почеток во 19.00 часот.
 |
 |
ДВЕ НОВИ ИЗДАНИЈА НА АФС!
ОБРАСЦИ НА РАСТ: ОСЛОБОДУВАЊЕ-НА-ПРОСТОРOТ
Архитектурата помеѓу домашниот простор и заробениот пејзаж
+
ДВОРОВИ – ГРАДИНИ – ПРОЕКТИ
Истражувачки проект подготвен од педагошкиот тим на ОБРАСЦИ НА РАСТ
Примероци од книгите може да најдете во библиотеката на АФ
01/15
Фотографии од отворањето на изложбата на трудовите пристигнати на меѓународниот конкурс за изработка на идејно архитектонско-урбанистичко решение на ридот Кале во Скопје, отворена на 22.10.2019 година во Музејот на современата уметност во Скопје. Конкурсот и изложбата на пристигнатите трудови претставуваат активности во рамки на проектот „ROCK“ - Уметничка тврдина, чијашто цел е да ја поттикне ревитализацијата и просторното уредување на ридот Кале во привлечна и посетена градска содржина со различни културни, образовни и рекреативни функции. Проектот се реализира во партнерство помеѓу Архитектонскиот факултет, Музејот на современата уметност и Град Скопје. Автор на фотографиите е Мила Гавриловска.
001/139
70 ГОДИНИ АРХИТЕКТОНСКИ ФАКУЛТЕТ - СКОПЈЕ
Фотографии од одбележувањето на 70 годишниот јубилеј од првиот одржан час на најстариот Технички факултет при Универзитетот „Св. Кирил и Методиј“ во Скопје
