Повеќе: НА СКОПЈЕ, СО ЉУБОВ

СВЕЧЕНА СЕДНИЦА НА НАСТАВНО-НАУЧНИОТ СОВЕТ НА АРХИТЕКТОНСКИОТ ФАКУЛТЕТ ПРИ УНИВЕРЗИТЕТОТ „СВ. КИРИЛ И МЕТОДИЈ ВО СКОПЈЕ“

На 06.10.2017 година во 13.00 часот, во салата за состаноци на Архитектонскиот факултет во Скопје, по повод 68 години од првиот академски час на Техничкиот факултет во Скопје одржан на 6-ти октомври 1949 година, се одржа свечена седница на Наставно-научниот совет. На седницата беа поканети да присуствуваат и поранешните декани на Архитектонскиот факултет во Скопје, претставници на студентите, како и други гости.

Свечената седница на Наставно-научниот совет ја отвори деканот на Архитектонскиот факултет во Скопје – проф. д-р Огнен Марина, осврнувајќи се во својот пригоден говор на почетоците и текот на работата на Факултетот во изминатите 68 години. Потоа, на присутните им се обрати професорот Ѓорѓи Константиновски, споделувајќи ги своите лични искуства од студирањето како дел од првата генерација студенти запишани на Техничкиот факултет во Скопје. Во продолжение, продеканот за наставно-научни и студентски прашања, доц. д-р Јован Ивановски, ја претстави програмата за одбележување на 68 години од првиот академски час, планирана за одржување во зимскиот семестар од учебната 2017/18 година. По завршувањето на формалниот дел од свечената седница присутните беа поканети на коктел и неформално дружење.

објавено на 2017-10-16 11:20:42

Simple Picture Slideshow:
Could not find folder /var/www/a5/images/izlozbi/MakArhAtlas

На 18 септември 2017 година, во просториите на Домот на културата „Кочо Рацин“ (Галерија „Ко-Ра) во Скопје, беше отворена изложбата „Македонски архитектонски атлас“, организирана од страна на проф. д-р. Анета Христова - Поповска и доц. д-р Мери Батакоја, а посветена на архитектонската продукција на тлото на Р. Македонија од почетокот до крајот на 20тиот век. На изложбата беа претставени аналитички модели и графички материјал, подготвени како дел од истражувачките активности со студентите во наставата по предметите Архитектонско проектирање 4 и Теорија на архитектурата. Беше прикажан и краток филм, подготвен од авторите на изложбата, кој го презентира овој проект како активна методолошка платформа за акумулирање и комуникација на податоците и знаењето за македонската архитектура.

објавено на 2017-09-29 11:12:11

Промоција на дипломи мај 2017

НОВО ИЗДАНИЕ СО ПРОЕКТИ ОД  ИНТЕГРАТИВНОТО СТУДИО ОБРАСЦИ НА РАСТ СЕСИЈА 2016/2017 РЕЗИДУАЛНА ФОРМА

Публикацијата може да се најде во бибиотеката на Aрхитектонскиот факултет и кај раководителите на студиото.

Изложба „Една куќа – еден свет“

Архитектонскиот факултет при Универзитетот „Св. Кирил и Методиј“ во рамките на редовната настава по предметот Архитектонска композиција, организира изложба на графички трудови на деца меѓу 5 и 8 години. Темата е „Една куќа – еден свет“ и ја означува суштинската важност на заедништвото во градењето на светот и нашата лична партиципација во него.

Целта е препознавање на Архетипските слики, ментални претстави за архитектонскиот простор, како и за нашето просторно присуство воопшто. Архетипските слики се суштествениот, генеративен елемент за појавата на архитектонскиот простор и се однесуваат на немерливиот аспект на мерливото, на појавното. Архетипските слики се длабокото ниво на кое субјектот се изедначува со просторот околу себе и оттаму имаат етичка рефлексија.

Секое дете претставува една личност, „Една куќа – еден свет“.