Изложба „Една куќа – еден свет“
Архитектонскиот факултет при Универзитетот „Св. Кирил и Методиј“ во рамките на редовната настава по предметот Архитектонска композиција, организира изложба на графички трудови на деца меѓу 5 и 8 години. Темата е „Една куќа – еден свет“ и ја означува суштинската важност на заедништвото во градењето на светот и нашата лична партиципација во него.
Целта е препознавање на Архетипските слики, ментални претстави за архитектонскиот простор, како и за нашето просторно присуство воопшто. Архетипските слики се суштествениот, генеративен елемент за појавата на архитектонскиот простор и се однесуваат на немерливиот аспект на мерливото, на појавното. Архетипските слики се длабокото ниво на кое субјектот се изедначува со просторот околу себе и оттаму имаат етичка рефлексија.
Секое дете претставува една личност, „Една куќа – еден свет“.
| Новогодишна средба: | |
| I | Доделување на награди и признанија на најдобрите студенти, |
| II | Благодарници на подржувачите и пријателите на Архитектонскиот факултет, |
| III | Вино и сирење, |
| Петок 30. XII. 2016 12.00 ч. Сала за состаноци Архитектонски факултет Скопје. |
Детал: После три години и три модела М=1:1 делот што недостасува е пополнет. Не е совршен но сепак покажува дека поправката е возможна.
Учесници: Илија Мошев, Станислав Николов, Димко Пиркоски, Влатко Стефановски и Митко ХаџиПуља.
Честит Божиќ и среќна Нова година 2017.
