Врз основа на член 37 став 6 од Законот за високото образование (Службен весник на Република Македонија број 82/2018) и член 65 од Статутот на Универзитетот „Св.Кирил и Методиј“ во Скопје (Универзитетски гласник бр. 425/2019), Деканот на Факултетот на ден 18.11.2019 година, ја донесе следната
О Д Л У К А
за распишување на избори за претседател и членови на Факултетското студентско собрание на Архитектонскиот факултет - Скопје
Член 1
Се распишуваат избори за претседател и членови на Факултетското студентско собрание на Архитектонскиот факултет – Скопје (во натамошниот текст: Факултетот).
Член 2
Изборите за претседател и членови на Факултетското студентско собрание ќе се одржат на ден 17.12.2019 година (вторник) во Glass room на Факултетот, во период од 10 до 14часот.
Член 3
За спроведување на изборите за претседател и членови на Факултетското студентско собрание на Факултетот се именува изборна комисија во следниот состав:
- Проф. д-р Ана Тромбева-Гаврилоска
- Вонр. проф. д-р Јован Ивановски
- Елена Настеска, студент
- Виктор Стојчески, студент
- Марија Петрова,студент
Член 4
Се задолжува изборната комисија од член 3 на оваа Одлука изборите за претседател и членови на Факултетското студентско собрание на Архитектонскиот факултет - Скопје да ги реализира во согласност со Законот за високото образование, Статутот на Универзитетот „Св. Кирил и Методиј“ во Скопје и Статутот на Архитектонски факултет – Скопје во состав на Универзитетот „Св. Кирил и Методиј“ во Скопје.
Член 5
Се задолжува изборната комисија од член 3 на оваа Одлука да донесе Упатство со кое се утврдува нејзината работа и начинот на спроведување на изборите.
Член 6
Оваа одлука влегува во сила со денот на донесувањето, се доставува до сите студенти запишани во зимскиот семестар на Факултетот на нивните е-маил адреси и се објавува на веб страницата на Факултетот и огласната табла на Студентската служба.
Декан
Проф. д-р Огнен Марина, с.р.