Архитектонскиот факултет при Универзитетот „Св. Кирил и Методиј“ во Скопје со особена чест и задоволство Ве кани предавањето од серијата Пролетни предавања. Предавањето на архитектката, доцент Амбер Бартош насловено „Имерсивни инфраструктури“ ќе се одржи во среда на 21. април 2021 год. со почеток во 19:00 часот преку платформата Zoom.

Приклучете се на Zoom средбата преку следниов линк:

https://us02web.zoom.us/j/89618691926

Амбер Бартош е LEED акредитирана архитектка и дизајнерка на ентериери, која проектирала и водела наградувани проекти во САД, Кина, Кувајт и О.А.Е. Таа дипломирала уметност и архитектура на Универзитетот Рајс, а магистрирала на Институтот за архитектура во Јужна Калифорнија (SCI-Arc). Амбер Бартош во моментот е доцент на Архитектонската школа на Универзитетот во Сиракуза, соработник во Центарот за извонредност во Сиракуза и ко-директор на Лабораторијата за интерактивен дизајн и визуелизација (IDVL). Нејзината работа се фокусира на архитектонската примена на нови материјали и технологии преку физичко прототипирање и напредна визуелизација преку хибридни симулации на реалност.