Со задоволство ве каниме на предавањето на архитектите проф. д-р Елиса Кристиана Катанео и проф. д-р Лоренцо Дељи Еспости од Италија, кое ќе се одржи во амфитеатарот на Архитектонскиот факултет - Скопје на 13 јуни 2025 година со почеток во 11.00 часот.

Проф. д-р Елиса Кристиана Катанео е пејсажен архитект, теоретичар и едукатор, афирмирана за нејзиниот иновативен пристап кон експерименталниот еколошки дизајн и неговите теоретски импликации. Таа е гостин предавач на Институтот за технологија во Масачусец и на Училиштето за дипломци по дизајн на Харвард, а воедно и редовен професор на Политехничкиот универзитет во Милано.

Проф. д-р Лоренцо Дељи Еспости е основач и директор на студиото Дељи Еспости во Милано, со широко искуство во архитектонското проектирање, урбанистичкото планирање и инфраструктурниот дизајн, архитектонски критичар и предавач во неколку европски и американски универзитети меѓу кои Политехничкиот универзитет во Милано, Академијата за уметности во Брера, Атинската програма и други.

With pleasure, we invite you to the lecture by architects Prof. Dr. Elisa Cristiana Cattaneo and Prof. Dr. Lorenzo Degli Esposti from Italy, which will be held in the amphitheater of the Faculty of Architecture – Skopje on June 13, 2025, starting at 11:00 AM.

Prof. Dr. Elisa Cristiana Cattaneo is a landscape designer, theorist, and educator, recognized for her innovative approach to experimental ecological design and its theoretical implications. She is a visiting lecturer at the Massachusetts Institute of Technology and the Harvard Graduate School of Design, and a full professor at the Polytechnic University of Milan.

Prof. Dr. Lorenzo Degli Esposti is the founder and director of the Degli Esposti studio in Milan, with extensive experience in architectural design, urban planning, and infrastructure design. He is an architectural critic and a lecturer at several European and American universities, including the Polytechnic University of Milan, the Brera Academy of Fine Arts, the Athens Program, and others.

Универзитет „Св. Кирил и Методиј“ во Скопје
Архитектонски факултет – Скопје

Промовирање на монографијата и отварање на изложбата “Slavko Brezoski – The Pioneer of Macedonian Modernism in Brasília“
 Среда, 4 јуни 2025, 19:00 часот

На 4 јуни 2025 година на Архитектонскиот факултет – Скопје се одржа промоција на монографијата “Slavko Brezoski – The Pioneer of Macedonian Modernism in Brasília“ и отварање на истоимената изложба посветена на еден од најзначајните македонски модерни архитекти на 20 век и автор на југословенската амбасада во Бразилија.
Настанот го отвори ректорката на УКИМ, проф. д-р Биљана Ангелова, која говореше за значењето на делото на Славко Брезоски во македонската култура. Потоа на публиката ѝ се обрати проф. д-р Ана Ивановска - Дескова, една од рецензентите на монографијата, која ја истакна важноста на истражувањето зад проектот.
Изложбата свечено ја отвори архитектката Билјана Гуческа – внука на архитект Славко Брезоски, со емотивно навраќање кон неговите архитектонски размисли.
Авторите на монографијата и изложбата, проф. д-р Анета Христова-Поповска и проф. д-р Мери Батакоја го модерираа настанот и изразија искрена благодарност, доделувајќи примероци од монографијата со посвети за сите поддржувачи и соработници на проектот.
Настанот го посетија бројни членови на академски и културни институции, професори, студенти, како и членовите на семејството на архитект Славко Брезоски.
Погледнете дел од атмосферата на отворањето во галеријата подолу.

 Уште еднаш, изразуваме голема благодарност до Универзитетот „Св. Кирил и Методиј“ во Скопје за целосната, безрезервна поддршка за реализацијата на монографијата „Славко Брезоски – пионерот на македонскиот модернизам во Бразилија“.
Изданието, објавено на англиски јазик, е наменето за поширока академска публика и претставува значаен чекор во интернационалната афирмација на македонската архитектура.

Покана за промоција и изложба
Slavko Brezoski – The Pioneer of Macedonian Modernism in Brasília
(Славко Брезоски – Пионерот на македонскиот модернизам во Бразилија)
Автори: Анета Христова-Поповска и Мери Батакоја
4 јуни 2025
19:00 часот
Изложбена сала, Архитектонски факултет - УКИМ, Скопје
Изложба со ретки архивски материјали и интерпретативни цртежи
за делото на еден од најзначајните македонски архитекти на XX век.
Монографијата е поддржана од УКИМ – Скопје
и реализирана со помош на повеќе институции и приватната архива на семејството на архитект Брезоски.
Ве очекуваме!
#SlavkoBrezoski #MacedonianModernism #Exhibition #афсуким #afsukim #Skopje #Brasília

Во среда 28.05 со почеток во 19:30 часот во Амфитеатарот на Архитектонски факултет-Скопје при Универзитетот „Св. Кирил и Методиј“ во Скопје ќе се одржи предавање на Кристин Лаз и Дејвид Нил Морси („Floating University Berlin“/Пловечки Универзитет Берлин) на тема  МЕТОДИ НА УРБАНА ПРАКСА.
 
Познатиот архитектонско-уметнички експериментален колектив ,,ПЛОВЕЧКИ УНИВЕРЗИТЕТ” ќе одржи работилница посветена на одржливиот развој и урбаните трансформации.   „Floating University Berlin“ е експериментален простор за спознавање на поврзаноста меѓу природата и културата, заеднички труд на повеќе од 50 уметници, дизајнери, архитекти, научници, инженери, соседи и деца. Сместен во напуштениот басен за задржување дождовница во близина на поранешниот аеродром Темпелхоф, овој хибриден простор функционира како составен дел од некогашниот систем за управување со води, а истовремено служи и како живеалиште на мочуришни растенија, птици, жаби, лилјаци и лисици.   Денес, „Floating University“ вклучува широк спектар на внатрешни и надворешни културни и образовни програми, поттикнувајќи дијалог за односот меѓу луѓето, урбаните средини и светот што не е само човечки. Проектот има амбиции да стане „двигател на трансформација“, отворајќи го патот за хибридна инфраструктура која интегрира еколошки, социјални и јавни вредности во долгорочниот развој на просторот.

N MEMEORIAM
Проф. Димитрија Ванов (1934 - 2025)

Проф. м-р Димитрија Ванов е роден на 18 септември 1934 г. во Скопје.
На Техничкиот факултет во Скопје – Архитектонски отсек, се запишал во 1952 година, а дипломирал во 1959 година. Од 1959 до 1964 година бил асистент на факултетот по предметите – Нацртна геометрија и Перспектива. По едногодишен студиски престој во Белград, со јавна одбрана на труд во 1965 година хабилитирал и бил избран за доцент на тогашниот Технички факултет. Неговиот ангажман како доцент траел од 1965 до 1973 година, а од 1973 до 1978 година бил вонреден професор. Во 1978 година магистрирал на Архитектонскиот факултет во Белград и се стекнал со академски степен Магистер на архитектонски науки. Во 1978 бил избран за редовен професор во Институтот за Графички комуникации при Архитектонскиот факултет - Скопје каде работел до своето пензионирање во 1999 година.

Покрај неговата исклучителна педагошка и наставна дејност, реализирал бројни научни и стручни трудови, од кои повеќето биле објавени, презентирани или прифатени за објавување. Од особено значење и придонес се: Хабилитациониот труд, учебникот Нацртна геометрија и неговиот прв оригинален труд на тема: Конструктивна обработка на коса перспектива.

Проф. Ванов бил истакнат и во неговата апликативна дејност како проектант архитект и урбанист. Како автор или коавтор изработил над 30 идејни и главни архитектонско - урбанистички проекти меѓу кои основен урбанистички план на градските центри на Куманово и Струга, идеен и главен проект на регулацијата на реката Ибар во Косовска Митровица и др.
Како коавтор учествувал на над 15 јавни архитектонско-урбанистички конкурси, со особено завидни резултати – 6 први награди.
Освоил I награда за центарот на Бања Лука (од 35 трудови), II награда за центарот на Винковци, I награда за снабдувачкиот центар на Бит Пазар во Скопје, I награда за центарот на Куманово, I награда за центарот на Струга итн.

За својата успешна долгорочна наставно-педагошка работа, како универзитетски професор, во 1989 година, на прославата на 40 години Универзитет во Скопје, бил одликуван со Орден на трудот со златен венец.

Дипломската работа на проф. Ванов во 1959 година била прва дипломска во областа на урбанистичкото проектирање на нашиот Универзитет.
Проф. Ванов бил и прв наставник избран во звањето доцент од Техничките факултети (еден од првите на Универзитетот) од сите генерации студенти запишани на факултетот од неговото формирање во 1949 година.

Слава му!

ПРЕЗЕМЕТЕ...

IN MEMEORIAM
Проф. Владимир Бошковски (1944 - 2025)

Проф. Владимир Бошковски е роден во Скопје во 1944 година. Основно образо-вание и гимназија завршил во родниот град во учебната 1962/63 година.

Во летото 1963 година, преку Заводот за заштита на спомениците и културното населедсво на СРМ, учествувал во изготвување на документација за големите и мали терми, Синагогата и Полихармосовата палата во археолошкиот локалитет Стоби. Уште тогаш тој навлегол во тајните на вонвременската архитектура.

Во јуни 1968 година дипломирал на Архитектонско-градежниот факултет - Оддел архитектура во Скопје. Сериозни афинитети и дарба кон поширокиот опсег и интерес кон дисциплината на архитектурата пројавил и за време на студиите. Така, од есента 1965 година до дипломирањето бил ангажиран како демонстратор по предметите архитектонски конструкции. Исто така, како студент, во соработка со Проф. Б. Чипан и тогаш асистент Живко Поповски учествувал на неколку јавни и анoнимни архитектонско-урбанистички конкурси кои беа високо вреднувани и наградени. Во есента 1968 година бил избран за асистент на Архитектонско-градежниот факултет - Оддел архитектура по предметите архитектонски конструкции.

Во 1981 година одбранил хабилитациски труд под наслов: “Деталот во просторот и архитектонскиот објект” по што, во истата година, бил избран во звањето доцент во Институтот за високоградба на Архитектонскиот факултет при Универзитетот “Св. Кирил и Методиј” во Скопје по групата предмети архитектонски конструкции и материјализација на архитектонски простор. Истата година, со одлука на ННС на факултетот, избран е и за професор по предметот внатрешна архитектура и проектирање на Шумарскиот факуктет во Скопје. Во истото звање е преизбран во 1987 година (Универзитетски билтен бр. 483).

Во 1992 година e избран во звањето вонреден професор во Институтот за високоградба на Архитектонскиот факултет по предметите  “Структурни системи и технологии на градење” и “Детал и обработка на архитектонски простор”. Како професор и ментор увествувал и во работата на Летната школа за архитектура, Сесија ‘96 во манастирот Св. Јоаким Осоговски на тема “Архитектура и природа”.

Особено е интересeн неговиот афинитет и несекојдневна  сликарска дарба кон сликарството и особено акварелот.Во 1993 година Владимир Бошковски е избран за редовен член на ДЛУМ по што, во следните неколку години своите дела ги изложувал на бројни самостојни изложби во некои од најпознатите ликовни салони и изложбени галерии во Македонија (Даут Пашин амам, КИЦ-Скопје, Салонот на ДЛУМ , Народен Музеј Струга, Скопски саем...).