На 30.10.2025 (четврток) во аудиториум (115) на Архитектонски факултет-Скопје при Универзитетот „Св. Кирил и Методиј“ во Скопје со почеток во 19.00 часот во рамките на вон-наставната програма ДОСИЕ АФС, м-р арх. Константин Трпеноски ќе има свое излагање на тема: Ефемерна архитектура: Перформативни простори.
Костантин Трпеноски (1984) е архитект и сценограф. Студирал на Архитектонскиот факултет во Скопје, а магистрирал на Техничкиот универзитет во Виена под менторство на архитектот William Alsop.
Неговата работа опфаќа проекти од сценски дизајн и концептуална архитектура, истражувајќи ја границата меѓу уметноста и архитектонската практика.
Трпеноски е основач e на студиото MVV.DESIGN. Учествувал на повеќе изложби за архитектура и дизајн и добитник е на неколку значајни награди меѓу кои: Прва награда за идејно решение за пешачки мост на реката Дрим во Струга, 2011, Прва награда за урбанистичко решение (Простор околу железничката станица во Велс), Австрија, 2018 година, две Втори награди за идејно архитектонско решение за едукативен кампус во Виена, Австрија во 2013 и 2024 година. За неговата работа како сценограф, Трпеноски два пати е добитник на наградата за најдобра сценографија на фестивалот „Војдан Чернодрински“ Прилеп во 2019 и 2023 година.
Во четврток на 30.10. 2025 со почеток во 11 часот во Амфитеатарот на АФС во рамките на наставата по предметот Архитектонско проектирање 2, проф. д-р Ѓоко Муратовски ќе одржи предавање насловено „Дизајн и архитектура во свет што се менува“.
Во денешниот брзо променлив свет, дизајнот одамна ја надмина естетиката и стана двигател на иновации и општествена трансформација. Во ова предавање, проф. д-р Ѓоко Муратовски ќе повлече паралели меѓу дизајнот и архитектурата, истражувајќи како двете дисциплини се потпираат на истражување, креативност и стратешко размислување за да создадат значајни резултати. Преку примери од својата глобална кариера во областа на дизајнот, академијата, бизнисот и владините институции, тој ќе објасни зошто праксата заснована на истражување е клучна за дизајнерите и архитектите што настојуваат да останат релевантни, конкурентни и влијателни во свет кој постојано се менува.
Проф. Др. Ѓоко Муратовски е наградуван дизајнер, истражувач и консултант за иновации кој соработува со универзитети, компании од Fortune 500 листата и различни влади низ целиот свет. Тој е поканет да биде член на бројни организации со водечко влијание, како што се Frank Lloyd Wright’s Fallingwater Institute, Forbes Councils, Stanford Institute for Innovation in Developing Economies, Oxford University Society, Oxford Digital Leaders Network, Yale Higher Education Leadership Summit и програмата на Белата куќа – Presidential Innovation Fellows. Тој исто така е главен директор за иновации (Chief Innovation Officer) во италијанската консултантска компанија за автомобилски дизајн Icona Design Group, чии клиенти вклучуваат брендови како Lamborghini, Alfa Romeo, Maserati и многу други.
Повик за платена научна пракса на Заедничкиот истражувачки центар на Европската комисија
Заедничкиот истражувачки центар на Европската комисија (JRC) нуди платенa научнa пракса за научни практиканти. Подетални информации, профил на кандидати и критериуми се достапни во Анекс I во следниов линк за апликација:
За практикантствата што почнуваат во март 2026 година, JRC овозможува учество на околу педесет (50) научни практиканти, во различни тематски области како здравство, индустрија и вселена, природни ресурси, мобилност, граѓанска безбедност за општеството, животна средина и климатски промени, нуклеарна безбедност и сигурност, управување со кризи, дигитална трансформација и податоци, сајбер безбедност, вештачка интелигенција итн.
Местото на пракса може да биде едно од следниве локации на JRC: Гел (Белгија), Испра (Италија), Карлсруе (Германија), Петен (Холандија) или Севиља (Шпанија).
Лицата кои ќе аплицираат на Повикот потребно е да пратат потврда за својата апликација на следната
e-mail адреса: This email address is being protected from spambots. You need JavaScript enabled to view it.
“
Архитектонскиот факултет – Скопје, при Универзитет Св. Кирил и Методиј во Скопје
и
Програма за развој на Обединетите нации
Ве покануваат на
Одбележување на Меѓународниот ден за намалување на ризикот од катастрофи
„Финансирај ја отпорноста, а не катастрофи“
13 октомври 2025
Почитувани,
Имаме особена чест и задоволство да Ве поканиме да присуствувате на настанот по повод одбележувањето на Меѓународниот ден за намалување на ризикот од катастрофи (IDDRR) 2025, кој има за цел да ја зголеми свеста и да поттикне активности за создавање побезбедни, поотпорни и одржливи заедници.
Годинешната тема, „Финансирај ја отпорноста, а не катастрофи“, го нагласува значењето на пренасочување на финансиските ресурси од реактивно справување со катастрофи кон проактивна превенција и подготвеност. Настанот ќе обедини студенти, професори, експерти и практичари кои ќе дискутираат како архитектурата, урбанизмот, инженерството и природно базираните решенија можат да придонесат за намалување на ризиците и зајакнување на отпорноста.
Детали за настанот
Датум: Понеделник, 13 октомври 2025 година
Време: 16:00 – 17:30 часот
Локација: Аудиториум 115, Архитектонски факултет, Универзитет „Св. Кирил и Методиј“, Скопје
Организатори: Програма за развој на Обединетите нации (УНДП) и Архитектонски факултет
На 16.10.2025 (четврток) во аудиториум (115) на Архитектонски факултет-Скопје при Универзитетот „Св. Кирил и Методиј“ во Скопје со почеток во 19.00 часот во рамките на вон-наставната програма ДОСИЕ АФС, студентите Галена Филиповкса и Ања Тодоровска ќе имаат свое излагање за споделување на искуството стекнато со ЕРАЗМУС+ програмата во учебната 2024/2025 година.
Почитувани,
Со особена чест и задоволство Ве покануваме на свеченoто одбележување на јубилејот 76 години од основање на Архитектонски факултет при Универзитет „Св. Кирил и Методиј“ во Скопје, во понеделник, 6-ти октомври 2025 година, придружено со следните настани:
12.00 часот – Свечена седница во Амфитеатарот на Факултетот (втор кат)
12.30 часот – Доделување на награди за најдобри студенти 2024/2025 година
13.00 часот – Коктел на „сквер“ на Архитектонски факултет
Почитувани,
Ве известуваме дека свеченото доделување на индексите за новите студенти на Архитектонскиот факултет-Скопје при Универзитетот „Св. Кирил и Методиј" во Скопје, за академската 2025/26 година, ќе се оддржи на 1.10.2025 година (среда) во 14.00 часот во Амфитеатарот на факултетот.
Ќе ни претставува особена чест доколку присуствувате на свечениот настан и заедно го одбележиме стартот на новата академска година.
На 26.09.2025 година (петок), со почеток во 13:00 часот, во Стаклената училница на Архитектонскиот факултет – Скопје при Универзитетот св. „Кирил и Методиј“ во Скопје ќе се одржи презентација за постапката за аплицирање на конкурсот за студентски мобилности во рамките на ЕРАЗМУС+ програмата за летниот семестар од академската 2025/2026 година.
Во склоп на настанот предвидена е и отворена дискусија со студентите Галена Филиповска и Елена Зареска кои минатиот семестар беа дел од ЕРАЗМУС+ размената, со цел да ги споделат своите искуства и да дадат практични совети поврзани со процесот на апликација.
