Со задоволство ве каниме на предавањето на архитектот Тило Херлах (Tilo Herlach) од архитектонското студио ХХФ Архитекти (HHF Architects) од Базел, Швајцарија, кое ќе се одржи во амфитеатарот на Архитектонскиот факултет – Скопје на 5 мај 2026 година, со почеток во 19:00 часот.
Тило Херлах е роден во 1972 година во Цирих, Швајцарија. Во периодот од 1992 до 1998 година студирал архитектура на ETH Цирих и ETH Лозана. Магистрирал на ETH Цирих под менторство на проф. Руџеро Тропеано (Prof. Ruggero Tropeano).

Од 1998 до 2003 година соработувал со d-company во Берн и со Rolf Furrer Architekten во Базел. Во 2003 година е еден од основачите на архитектонското студио HHF Architects во Базел.
Тило Херлах е овогодинешниот тутор на 35. сесија на Меѓународната летна школа за архитектура во Лазарополе, во организација на Архитектонскиот факултет – Скопје, Универзитет „Св. Кирил и Методиј“ во Скопје.

На 02.04.2026 (четврток) во аудиториумот (115) на Архитектонски факултет-Скопје при Универзитетот „Св. Кирил и Методиј“ во Скопје со почеток во 17.00 часот, во рамките на вон-наставната програма ДОСИЕ АФС, м-р Маргарита Поповска и м-р Мика Черепналковска ќе имаат свое излагање со наслов: Ѓаволот е во детаљот. Ве очекуваме!

На 26.03.2026 (четврток) во аудиториум (115) на Архитектонски факултет-Скопје при Универзитетот „Св. Кирил и Методиј“ во Скопје со почеток во 17.00 часот во рамките на вон-наставната програма ДОСИЕ АФС, студентката Матеа Јегени ќе имаат свое излагање за споделување на искуството стекнато на меѓународната летна школа LOL Landscape of[f] Limits на Политехничкиот факултет во Милано.

Академска посета и размена на знаења
(prof. James (Jim) Carr, Donaghey College of Engineering and Information Technology - University of Arkansas at Little Rock)

Во рамки на програмата ЕРАЗМУС+ KА131 на Европската комисија, Универзитетот „Св. Кирил и Методиј” во Скопје распишува конкурс за доделување стипендии за индивидуална мобилност за студенти на високообразовните институции во програмските држави: 
• државите членки на ЕУ; 
• државите членки на ЕФТА кои се и членки на ЕЕО (Норвешка, Исланд и Лихтенштајн); 
• Република Србија и Република Турција.  
Конкурсот е отворен за: 
• 15 студентски мобилности за студирање 
Времетраење на студентска мобилност за студирање: еден семестар (зимски семестар) 
Право на пријавување 
Редовни студенти на:  
• прв циклус студии, со најмалку завршена прва година  на студии, односно запишан трет   семестар;  
• втор циклус студии; 
• трет циклус студии. 
Мобилноста се остварува во рамки на потпишани Еразмус+ договори меѓу УКИМ и високообразовни институции во програмските држави. (Види листа на Еразмус+ договори) 
Потребни документи за мобилност на студенти 
Сите документи за аплицирање се достапни на интернет-страницата на Универзитетот: https://ukim.edu.mk/studenti/mobilnosti/erazmus/ или интернет-страницата на факултетот: 
• пополнет формулар за пријавување (Student Application Form); 
• уверение за положени испити на македонски јазик; 
• уверение/диплома за познавање на англиски јазик или јазикот на кој се изведува наставата на ЕУ-универзитетот, издадена  од признат центар/школа за странски јазици; 
• уверение за редовен студент - запишан семестар/година (на македонски јазик); 
•  кратка биографија (Europass model); 
• мотивациско писмо. 
Задолжително: 
• договор за студирање (Learning Agreement for studies), во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и факултетот во странство (минимум 20 ЕКТС - максимум 30 ЕКТС). 
Кандидатите за студентска мобилност, за студирање, лично ја поднесуваат апликацијата во три примероци до Еразмус+ координаторот на факултетот/институтот каде што студираат, најдоцна до 17 април 2026 година.  
(Еден примерок за Еразмус+ коррдинаторот, еден примерок задржува студентот и еден примерок се доставува до Ректоратот на УКИМ)  
(Види листа на Еразмус+ координатори по факултети). 
Селекција на кандидатите 
Првичната селекција/рангирање на кандидатите ја прави факултетот/институтот согласно со следниве критериуми:  
- академски успех;  
- познавање на англиски јазик или јазикот на кој се изведува наставата; -  мотивација за реализирање на Еразмус+ мобилност. 
Поради ограничениот број на мобилности на годишно ниво, а со цел поголем број на студенти да бидат вклучени во овие форми на мобилност, во процесот на селекцијата предност ќе имаат кандидатите кои претходно не користеле Еразмус+ стипендија.  
Согласно со Еразмус-повелбата за високо образование 2021-2027, при селекцијата на кандидатите ќе се води сметка за вклучување на студентите со посебни потреби и помалку можности. (Види: Инклузија (поддршка) на студенти со посебни потреби и помалку можности) 
Краен рок за поднесување на рангираните апликации - студентска мобилност за студирање од страна на факултетите до Ректоратот е 24 април 2026. 
Висината на стипендијата/грант за студентите изнесува 606-674 ЕУР месечно, согласно земјата во која се престојува.  
Патните трошоци и здравственото осигурување ги покриваат лично студентите.