Изложба на архитектонски студија - ИАС 12, кое се одржа на Архитектонскиот факултет во Скопје на 12.06.2018-та година. Покрај студентите и наставниците на АФС на отворањето на изложбата присуствуваа и ректорот на Универзитетот „Св. Кирил и Методиј“ во Скопје - проф. д-р Никола Јанкуловски, проректорот за настава - проф. д-р Вујица Живковиќ, проректорката за меѓународна соработка - проф. м-р Гордана Јосифова Неделковска и проректорката за финансии, инвестиции и развој - проф. д-р Билјана Ангелова. Автор на фотографиите е Васе Аманито.
Свечено доделување на наградата „Тигрите“ за најдобра магистерска работа на Архитектонскиот факултет во Скопје во изминатите 12 месеци, која во организација Полската амбасада во Скопје и Архитектонскиот факултет беше доделена по вторпат. Добитник на наградата „Тигрите“ е м-р Ружица Минова. Свечениот настан се одржа во Музејот на град Скопје на 12.06.2018-та година, во рамки на отворањето на изложбата “Вечноста и моментот 1918-1939 година - архитектурата како алатка во изградбата на полскиот национален идентитет”. Автор на фотографиите е Елена Фидановска.
Промоција на првата публикација од новата едиција на Архитектонскиот факултет во Скопје - „Студио во фокус“, во која се поместени резултатите од истражувањата преку проект работени во рамки на интегративното студио во IX-ти семестар во учебната 2017/18 година - „Обрасци на раст - неприродни екологии“, раководено од доц. д-р Слободан Велевски и доц. д-р Марија Мано Велевска. Автор на фотографиите е Васе Аманито.