Веќе е објавен новиот јубилеен 10. Скопјепостер Меѓународен студентски конкурс на тема /ArtificialInteligence/ (мкд. „Вештачка интелигенција и реалноста“).

Електронска верзија од конкурсот:https://skopjeposter.com/mk/proekti/vestacka-inteligencija/

Во понеделник на 8. 5. 2017 во 17:00 часот во амфитеатарот на Архитектонскиот факултет при Универзитетот „Св. Кирил и Методиј“во Скопје на студентите ќе им се обрати г-дин Гере Трипков - претседател на Плакарт / проектменаџер на Скопјепостер - меѓународниот студентски конкурс за плакат, со цел оваа година на студентите на Архитектонскиот факултет во Скопје темата да им ја претстави на непосредна – директна средба.

Очекуваме оваа активност да ја зголеми заинтересираноста на студентите и да ги охрабрида конкурираат со нивните колеги од странство во рамки на Скопје постер конкурсот, особено што ова е конкурс наменет исклучиво за студенти.

НОВО ИЗДАНИЕ СО ПРОЕКТИ ОД  ИНТЕГРАТИВНОТО СТУДИО ОБРАСЦИ НА РАСТ СЕСИЈА 2016/2017 РЕЗИДУАЛНА ФОРМА

Публикацијата може да се најде во бибиотеката на Aрхитектонскиот факултет и кај раководителите на студиото.

Изложба „Една куќа – еден свет“

Архитектонскиот факултет при Универзитетот „Св. Кирил и Методиј“ во рамките на редовната настава по предметот Архитектонска композиција, организира изложба на графички трудови на деца меѓу 5 и 8 години. Темата е „Една куќа – еден свет“ и ја означува суштинската важност на заедништвото во градењето на светот и нашата лична партиципација во него.

Целта е препознавање на Архетипските слики, ментални претстави за архитектонскиот простор, како и за нашето просторно присуство воопшто. Архетипските слики се суштествениот, генеративен елемент за појавата на архитектонскиот простор и се однесуваат на немерливиот аспект на мерливото, на појавното. Архетипските слики се длабокото ниво на кое субјектот се изедначува со просторот околу себе и оттаму имаат етичка рефлексија.

Секое дете претставува една личност, „Една куќа – еден свет“.

X

Агенда

Покана