НОВИ ДИЈАЛОЗИ/ ПРОГРАМА: 360
ПРЕДАВАЊЕ НА ГУНАР ХАРТМАН И ХАРУН БАДАКШИ
На 26.10.2017 година со почеток во 20.30 часот во амфитеатарот на Архитектонскиот факултет во Скопје, во рамки на програмата „360“ се одржа првото од серијата предавања на странски професори и експерти, планирани да се одржат во зимскиот семестар од учебната 2017/18 година.
објавено на 2017-10-29 08:06:00
НОВИ ДИЈАЛОЗИ/ ПРОГРАМА: 360
ПРЕДАВАЊЕ НА ДАВИД СТОЛЕРУ
На 30.10.2017 година со почеток во 20 часот во амфитеатарот на Архитектонскиот факултет во Скопје, во рамки на програмата „360“ се одржа второто од серијата предавања на странски професори и експерти, планирани да се одржат во зимскиот семестар од учебната 2017/18 година. Пред присутните наставници и студенти на Архитектонскиот факултет во Скопје свое излагање имаше архитект Давид Столеру (David Stoleru), французин, кој живее и работи во Барселона, од каде го раководи проектот,,Беит” (The Beit Project).
објавено на : 2017-10-31 12:31:50
Објавено на: 2017-10-23 11:31:37
Oбјавено на 2017-10-19 15:13:20
НОВИ ДИЈАЛОЗИ/ ВОНРЕДНИ СЕСИИ
Вонредна сесија 01, Формат: списание
модератори: Владо Данаилов и Мила Димитровска
На 24 октомври 2017 на скверот во јужното крило на Архитектонски факултет – Скопје се одржа првата Вонредна сесија на тема формат: списание.
Сесијата беше замилсена како ретроспектива на списанијата за архитектура издавани во Македонија (Информатор, А:, Аршин и Дома) и течеше во форма на модериран разговор со дел од уредниците: професорите Мартин Гулески, Минас Бакалчев, Митко Хаџи-Пуља, Јасмина Силјаноска и Влатко П. Коробар.
За време на разговорот бројната публика имаше ретка прилика да види дел од содржините на овие печатени изданија од 70тите-80-тите и 90-тите години, што беа проектирани на платно.
Соговорниците, длабоко емотивно врзани со материјалот што беше тема на разговор, со голема страст ги споделија сеќавањата за предизвиците поврзани со процесот на создавање на списанијата. Во текот на исцрпниот двочасовен разговор беа доловени аспектите на општествениот контекст во кој се пишувало, потребата од пишување (за) архитектура, техничките аспекти на издавање и публикување итн
објавено на: 2017-10-20 15:10:08
Објавено на 2017-10-19 15:15:59
НОВИ ДИЈАЛОЗИ:
Покана за саемот на студии
во Франција кој ќе се одржи в четврток, 26
октомври 2017, во НУБ „Св. Климент
Охридски“ во Скопје, од 11:00 до 16:00 часот
објавено на 2017-10-19 13:05:54
објавено на 2017-10-17 11:28:04
СВЕЧЕНА СЕДНИЦА НА НАСТАВНО-НАУЧНИОТ СОВЕТ НА АРХИТЕКТОНСКИОТ ФАКУЛТЕТ ПРИ УНИВЕРЗИТЕТОТ „СВ. КИРИЛ И МЕТОДИЈ ВО СКОПЈЕ“
На 06.10.2017 година во 13.00 часот, во салата за состаноци на Архитектонскиот факултет во Скопје, по повод 68 години од првиот академски час на Техничкиот факултет во Скопје одржан на 6-ти октомври 1949 година, се одржа свечена седница на Наставно-научниот совет. На седницата беа поканети да присуствуваат и поранешните декани на Архитектонскиот факултет во Скопје, претставници на студентите, како и други гости.
Свечената седница на Наставно-научниот совет ја отвори деканот на Архитектонскиот факултет во Скопје – проф. д-р Огнен Марина, осврнувајќи се во својот пригоден говор на почетоците и текот на работата на Факултетот во изминатите 68 години. Потоа, на присутните им се обрати професорот Ѓорѓи Константиновски, споделувајќи ги своите лични искуства од студирањето како дел од првата генерација студенти запишани на Техничкиот факултет во Скопје. Во продолжение, продеканот за наставно-научни и студентски прашања, доц. д-р Јован Ивановски, ја претстави програмата за одбележување на 68 години од првиот академски час, планирана за одржување во зимскиот семестар од учебната 2017/18 година. По завршувањето на формалниот дел од свечената седница присутните беа поканети на коктел и неформално дружење.
објавено на 2017-10-16 11:20:42
OIKONET мрежата започна со организирање на серија на постдипломски семинари со цел промоција на истражувачките предизвици во областа на домувањето во современите општества низ мултидисциплинарна перспектива.OIKONET мрежата е составена од 34 факултети за архитектура и урбанистичко планирање, истражувачки групи, професионални и граѓански организации и локални самоуправи од 25 земји во Европа. Главна цел на OIKONET мрежата е промоција на иновациите во изучувањето на домувањето на глобално ниво низ поврзување на три области: образование, истражување и локални заедници.
Погледнете ги видео записи од предавањето на поканетите предавачи проф. д-р Леандро Мадрацо, проф. д-р Флора Самјуел и проф. д-р Огнен Марина на првиот OIKONET постидпломски семинар одржан во Валенсија, Шпанија на 22-23 јуни, 2017 година.
OIKONET starts a series of POSTGRADUATE Seminars aimed at bring together researchers interested to explore the topic of dwelling in our contemporary societies from a multidisciplinary and multidimensional perspective. OIKONET is a network of 34 schools of architecture and planning, research groups, professional and community organizations, and local administrations from 25 countries in Europe and around the world. The goal of the network is to promote innovation in the study of dwelling at a global scale by interlinking three areas: pedagogy, research and community participation.Take a look at the lectures of invited key-note speakers Prof. Leandro Madrazo, Prof. Flora Samuel and Prof. Ognen Marina at the first OIKONET postgraduate seminar held in Valencia, Spain during June 22-23, 2017.
објавено на 2017-10-03 11:17:37
Simple Picture Slideshow:
Could not find folder /var/www/a5/images/izlozbi/MakArhAtlas
На 18 септември 2017 година, во просториите на Домот на културата „Кочо Рацин“ (Галерија „Ко-Ра) во Скопје, беше отворена изложбата „Македонски архитектонски атлас“, организирана од страна на проф. д-р. Анета Христова - Поповска и доц. д-р Мери Батакоја, а посветена на архитектонската продукција на тлото на Р. Македонија од почетокот до крајот на 20тиот век. На изложбата беа претставени аналитички модели и графички материјал, подготвени како дел од истражувачките активности со студентите во наставата по предметите Архитектонско проектирање 4 и Теорија на архитектурата. Беше прикажан и краток филм, подготвен од авторите на изложбата, кој го презентира овој проект како активна методолошка платформа за акумулирање и комуникација на податоците и знаењето за македонската архитектура.
објавено на 2017-09-29 11:12:11
„ДЕМИРХИСАРСКА ЛЕТНА ШКОЛА 2017'
(популаризација и презентација на културното наследство)
Во рамките на IV Демирхисарско културно лето, од 7 до 13 јули 2017 се одржа I Демирхисарска летна школа. На покана од организаторот Општина Демир Хисар и манастирот Св. Јован Претеча, Слепче учество зема Архитектонскиот факултет при УКИМ, Скопје со раководителот-предавач: проф. д-р Елизабета Касапова и учесниците: д-р Ана Ивановска Дескова, доцент; м-р Мартин Симјановски, соработник; студентите од III, IV и V година - Андреј Дојчиновски, Марија Трајковиќ, Елена Сотировска, Љубен Трајановски, Сашо Андријевски и Виктор Стојчески. Работилницата на научната група АРХИТЕКТУРА беше со наслов: „Документирање и истражување на архитектурата на манастирот Св. Јован Претеча - Слепче".
Други учесници на првата Демирхисарска летна школа беа: групата АРХЕОЛОГИЈА под раководство на проф. д-р Виктор Лилчиќ Адамс од Филозофскиот факултет при УКИМ, Скопје, групата ИСТОРИЈА под раководство на проф. д-р Ванчо Георгиев од Филозофскиот факултет при УКИМ, Скопје и групата БОГОСЛОВИЈА под раководство на м-р Виктор Недески од Православниот Богословски факултет при УКИМ, Скопје.
Повеќе информации на:
Demirhisarska Letna Skola
http://www.demirhisar.gov.mk
Промоција на дипломи мај 2017
