arh    UKIM-znak10

FACULTY OF ARCHITECTURE SKOPJE
SS. CYRIL AND METHODIUS UNIVERSITY IN SKOPJE

 

Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *

instagram twit facebook mail

iknow

menu

menuB

IMG_7357
IMG_7361
IMG_7368
IMG_7370
IMG_7371
IMG_7375
IMG_7379
IMG_7386
IMG_7388
IMG_7394
01/10 
start stop bwd fwd
НОВИ ДИЈАЛОЗИ/ ПРОГРАМА: 360
ПРЕДАВАЊЕ НА ЛУКАШ СТАНЕК
 

На 04.12.2017 година, во рамки на програмата „360“, а со поддршка на Амбасадата на Република Полска во Македонија, во амфитеатарот на Архитектонскиот факултет во Скопје се одржа предавањето на д-р Лукаш Станек (dr. Lukasz Stanek), предавач на Манчестерскиот архитектонски истражувачки центар при Универзитетот во Манчестер, Велика Британија.

Во своето предавање, насловено; „The Worlding of the Eastern European Experience: Architects from Socialist Countries in Cold War West Africa“, Станек ги претстави резултатите од неговото долгогодишно истражување од областа на историјата на архитектурата, насочено кон проучување на ангажманот на архитектите, урбаните планери и градежните претпријатија од поранешните социјалистички земји во постколонијална Гана и Нигерија во 60-те и 70-те години од минатиот век.

Поткрепен со информации добиени преку теренска работа во регионот, но и преку проучување на мноштво пишани извори, Станек аргументираше дека архитектите од Унгарија, Полска и поранешна Југославија кои активно работеле во овие две земји, неретко правеле паралели помеѓу историското искуство на Источна Европа и западна Африка, сфатени во контекст на нивната неразвиеност, колонизираност и периферност. При својата работа во Гана и Нигерија, а како последица на нивното претходно - историско - искуство, овие архитекти успеале да развијат и применат дистинктивни проектански алатки и постапки карактеристични за централноевропската архитектонска култура, кои подоцна нашле начин да ги применат работејќи во земјите од западна Африка.

По прецизното и енергично излагање на Станек следуваше кратка дискусија во која земаа учество повеќе студенти и наставници од Архитектонскиот факултет во Скопје.