Архитектонскиот факултет при Универзитетот „Св. Кирил и Методиј“ во Скопје со особена чест и задоволство Ве кани на првото предавање од серијата Пролетни предавања. Предавањето на доцент Семјуел Џонсон насловено „Ел Лисицки: за и против повторување“ ќе се одржи во среда на 7. април 2021 год. со почеток во 19:00 часот преку платформата Zoom.

Приклучете се на Zoom средбата преку следниов линк:

https://us02web.zoom.us/j/83280738665

Специјалност на доцент Семјуел Џонсон се архитектурата и уметноста на советската авангарда. Има докторирано Историја на уметност на Универзитетот Харвард, а бил постдокторски истражувач во Истражувачкиот центар за модерна уметност Леонард А. Лаудер на Метрополитен музејот за уметност во Њујорк. Во моментот предава на Факултетот Керол и Алвин И. Скрагис, а предава и Историја на уметност како доцент и на Универзитетот Сиракјуз. Неговата книга Ел Лисицки на хартија: печатена култура, архитектура, политика, 1919 – 1933 ( El Lissitzky on Paper: Print Culture, Architecture, Politics, 1919-1933), ќе ја печати University of Chicago Press.